日本的櫻花🌸帶著深深的文化
又到左櫻花盛開嘅季節，
見到好多人上載一張張櫻花盛開圖。
今日想同大家分享係日本既文化，
開始及結束。
仲記得十幾年前第一年留學京都既四月，
放左工之後，
我踏住單車返屋企。
前往京都站大道兩旁櫻花盛開，
地上櫻花花瓣俾我行駛中既單車帶來既風速濺起，
頭上掉下因成熟而飄下的櫻花花瓣，
滿滿包圍住我既全身。
四月既清涼加上中午陽光折射下嘅溫暖，
那櫻花既氣味及場景，
一直深深入係我腦海之中，揮之不去。
日本人既四月代表開始，
三月代表住結束。
四月一號一定要入學，一定要入職。
姐係我地香港一定係9月開學咁。
不過佢地全個人生都必須要由4月1號開始。
幼稚園，小學，中學，大學，入職，
之後三月作為結束。
好喇，
你又會問如果4月1號入唔到學同入職咁點算？
答案係你等下一年啦。
因為日本所有企業，
學校都係跟住同一條規則做野，
佢地絕對唔會出錯，
如果出錯既一定係你。
一個壞左既人係你，
有問題既係你，
所以你要等下一年。
你地又係咪覺得made in Japan品質一定有保證？
來源就係佢地要得一套做法，
從不冒險。
1+1=2 係岩
但1+0.5+0.5=2 或其他方法就一定係錯。
品質有保證情況下，
一世人只打一份工，
因為你俾人炒左一定係你問題。
無咩公司會再請你。
你話到底咁係好定唔好？
最後大學畢業嗰陣時，
學生代表致詞嘅時候，
佢所講嘅一段話令我非常深刻：
‘仲記得那年櫻花盛開嘅時候就係我哋入學嘅日子，
轉眼又到左櫻花盛開嘅日子，
但係今日我哋畢業喇’
然後我離開日本之前去左紋我人生第一個紋身，
「櫻花」
由細到大受香港靈活教育既我，
好慶幸我畢咗業我可以返返香港，
真係好唔明點解咁多香港人想去日本度住。
旅行同同長居係兩件事，
唔係乜都係外國嘅月亮圓啲，
只要知足常樂，
其實香港都係唔錯嫁。
原來我冇影過櫻花相，附上唯一一張大一學年級我喺上野公園影嘅櫻花相。🤦🏻♀️ #proudtobehkgirls @ Miyazu, Kyoto
Search